Stavik‐breva. Ei transatlantisk brevveksling 1880‐1950

Som del av programmet under førjulshelga på Romsdalsmuseet, presenterer vi Stavik-breva - ei omfattande amerikabrev-samling etter to brør. 

I år er det 200 år sidan den første organiserte utvandringa frå Noreg til Amerika tok til. Dette blir markert på begge sider av Atlanterhavet under tittelen «Crossings. Norge og Nord-Amerika 1825-2025».

På Romsdalsmuseet finn me ei omfattande amerikabrev-samling etter to brør. I 1876 utvandra Lars Stavig (1844‐1933) frå Fræna i Romsdal til Amerika. Gjennom nesten 70 år brevveksla han med broren Knut Stavig (1851‐1950) som framleis budde heime i Stavika på romsdalskysten. Medan utvandraren Lars slo seg opp som farmar og handelsmann i Amerika, dreiv Knut som småbrukar, fiskar og skomakar heile livet i Romsdal. Dei to brørne møtte kvarandre aldri att, men skreiv brev til kvarandre gjennom heile livet.

Under dette arrangementet vil førstekonservator Mads Langnes fortelje om utvandringa til Amerika med utgangspunkt i denne unike brevsamlinga. I tillegg vil den prisvinnande dokumentarfilmen «The Stavig Letters», produsert i USA i  2011, bli vist.

Billettar

Auditoriet har 87 plassar. For å sikre deg plass, bør du kjøpe billett på førehand. Eventuelle restplassar blir selde i resepsjonen frå kl 12:30.

Billettpris: kr 170,-. Halv pris for medlemar i RMV.

Billetten inkluderer foredrag med film, du får sjå nokre av breva og du kan gå i utstillingane våre.

Kjøp billett her

Foredraget er del av programmet under førjulshelga på Romsdalsmuseet.

Sjå heile programmet for førjulshelga 2025 her 

Kafé Mali på Krona

Kafeen er open frå kl. 12:00.

Her får du kjøpt kaffe og kake og mykje anna godt.