Sjustjerneprestane

Dette arrangementet er ein del av eit stort program for Veøya sommaren 2025: SJÅ OVERSIKT

– eit minimusikkspel med Thomas von Westen i «hovudrolla»

For tredje år på rad presenterer vi «Sjustjerneprestane», eit musikkspel med Veøy-prest Thomas von Westen i sentrum for hendingane. Vi er i byrjinga av 1700-talet. Kongeriket er involvert i mange og lange krigar. Sju lokale prestar frå Romsdal og Nordmøre med Thomas Von Westen i spissen er djupt uroa over den moralske tilstanden blant folket. Prestane meiner kongeriket lid av undersåttane sitt syndefulle liv. Dei vedtek å ta affære og møtest i kyrkja ute på Veøya for å legge ein plan. Forteljar er førstekonservator ved Romsdalsmuseet, Morten Øveraas, og han har med seg skodespelarar frå revy- og teatermiljøet på Vestnes.

Orgel: Inge Holm Nygård.

Foto: Morten Øveraas

Historisk vandring, besøk i kyrkja og prestegarden

Bli med på ei historisk vandring med guide frå Romsdalsmuseet. Veøya har ei spanande historie, og vi fortel om ulike arkeologiske funn og historiske hendingar. Du får besøke den unike steinkyrkja frå 1100-talet og prestegarden.

Program for dagen:

10:00 Båtavgang frå Nesjestranda 
10:15 Ankomst Veøya

• Velkomst og orientering
• Omvising i kyrkja
• Historisk vandring på området
• Lunsj ute
• Prestegardshistorie og besøk i prestegarden
• 14:00 Minimusikkspel med sjustjerneprestane inne i kyrkja

15:30 Båtavgang frå Veøya
15:45 Ankomst Nesjestranda 

Billettar:

Billett kjøper du her:   Billettar

Billetten inkluderer:

• Historisk vandring med guide frå Romsdalsmuseet
• Besøk i prestegarden
• Program i kyrkja
• Båttransport tur/retur Nesjestranda

Praktisk info: 

• Mat og drikke: Ta med alt du treng av mat og drikke
• Sko og klede: Sjekk vêrmeldinga og ta gjerne med ekstra klede, vindjakke og ha på gode tursko til å vere ute heile dagen. Ta gjerne med sitteunderlag.
• Søppel: Merk at det ikkje er søppelhandtering på øya, og vi ber deg vere så venleg å ta med eige søppel heim igjen.
• Båt frå Nesjestranda: Båten har plass til 48 passasjerar og går frå Nesjestranda småbåthavn, Hamnevikbøen.
• Parkering: Vi har fått løyve til å bruke parkeringa ved fabrikken til Nesje AS. Kort gangavstand til båten. Klikk her for kart (Google maps)

Ta kontakt med oss dersom du har spørsmål:

Epost: post@romsdalsmuseet.no
Telefon: 71 20 24 60
Kontortid: mandag-fredag kl 08:30-16:00