Kurs i torader

Kurs med Rannveig Djønne!

Spelar du torader og kan tenke deg å lære nye slåttar og spisse teknikken? 

Rannveig Djønne er fødd og oppvaksen på Djønno i Hardanger, og det er også her ho bur i dag. Ho blir ofte skildra som ein nyskapande toradarspelar med røter i tradisjonsmusikken frå Hardanger og Voss. Toradaren brukar ho i alt frå kyrkjemusikk til gamaldans og bygdadans, og ho har vore gjest i progrockband m.m.

Undervisning er noko av det Rannveig set aller høgast. Ho har vore instruktør på kurs i inn – og utland, og ho har lang erfaring som lærar i kulturskulen. Utdanninga si i folkemusikk tok ho ved Ole Bull Akademiet på Voss. Ho har gjeve ut ei soloplate, i tillegg til to plater saman med Annlaug Børsheim.

Rannveig gler seg stort til å koma tilbake til Molde. Ho budde der i nokre år medan ho arbeidde på fylkeshuset. Det var i Molde ho fann ut at det faktisk kunne gå an å satsa på å spela toradar, og ho har mange gode minne frå tida i Møre og Romsdal.

Kurs 1, kl. 10-11.30 – for deg som ikkje har spelt så mykje

Kurs 2, kl. 12-15.30 – for deg som er vidarekomande på torader

 Påmelding = trykk her

På kurset vert det nytta G/C-torader

Har du spørsmål? 

anna.gjendem@vitimusea.no 

Arrangør:

Romsdalsmuseet og Folkemusikkarkivet i Viti